Tag Archives: Politics

مسؤولية

مر اسبوع على مذبحة ماسبيرو

كنت برة مصر وقت الاحداث ومن يوميها لحد دالوقتي مش قادرة اتغلب على الصدمة، مش صدمة ان المجلس العسكري متوحش وممكن يرتكب جريمة بشعة زي دي ضد مدنيين، ومش عشان فهمت قد ايه المجلس العسكري متورط في الخراء ومتأكد ان لو النظام وقع بجد هيروحوا في ستين داهية. كل ده متوقع ومش مفاجىء أوي بالنسبة لي.

اللي مش قادرة استوعبه هو ازاي الناس اللي انا بقالي 25 سنة عايشة في وسطهم وبركب مواصلات معاهم وبروح مدارس وياهم وبستلف منهم ملح ممكن يشاركو في ده، مش قادرة افهم ايه اللي الجنود المصريين اتعرضوله عشان لاي سبب يرضوا يفعصوا بشر زيهم بالمدرعات ويرموا جثثهم في النيل! ايه اللي المواطنين الشرفاء اتعلموه عشان ينزلوا من بيوتهم بسيوف يدافعوا عن جيشهم من مواطنين زيهم عزل؟ وايه اللي البني ادمين رضعوه يخليهم يعلقوا على صور الشهداء بكلام زي احسن ويستاهلوا والى الجحيم. بجد هتجنن مش قادرة اصدق!

محدش يقولي جهل وتخلف، انا ساذجة ومش قادرة اصدق ان سنين القهر خلت اهل البلد حيوانات، فقدوا الانسانية وتحولوا لقتلة. بقعد اسرح وتخيل ان في راجل كان قاعد بيتعشى في بيتهم مع مراته وعيالة واول ماشاف الاخبار في التلفزيون المصري قام واخد السيف نازل يموت بني ادمين!

دالوقتي الثورة جالها اكتئاب والكل محتار يبتدي منين، ازاي وهل نقدر نرجع انسانية الناس اللي راحت؟ ازاي نقدر نتغلب على سنين وسنين من الشحن الطائفي اللي يخلي الناس تتمنى لبعض الموت؟ للأسف مانقدرش في يوم وليلة ودي معركة طويلة هتاخد سنين. بس اللي نقدر نعمله هو اننا نستمر.

العسكر لازم يمشي ولازم يتحاسب

طنطاوي وعنان وبدين مجرمين حرب ولازم يتحولوا لمحاكم دولية

ماسبيرو لازم يتطهر

كل مرة اجي استمتع بأكلة او مزيكا او فستان جديد هفتكر قد ايه الحياة غالية وان مينا اتسرقت منه حياته غدر وانه كان لازم دالوقتي يبقى مع عيلته بيخطط لمستقبل حياته مش عبارة عن صورة ومقالة وجرافيتي على الحيطان!

مينا ضحى بحياته الغالية عشان احنا نكمل الثورة

يالا نبقى قد المسؤولية

Advertisements

Dreaming of God


Find hereunder a description of God as thought of by my subconscious:

“God is great,

God is a giant white hydraulic excavator with a drill bits attached to it’s giant eight arms, like an octopus,

You can see God from wherever you are; or rather God can always see you!

So as I arrived to this world, I start thinking about God, their weird God that looks like robot octopus with drills in its hands.

This God is certainly angry and revengeful, its hands can reach you wherever you hide, God would punish you for anything even your little thoughts. I thought to myself ” حكومة وسخة!! ” and then immediately I saw, from where I was- a room with a very high ceiling and little windows at the top of the walls where very dim light can escape to reach me, I saw God, you can always see God, moving slowly from where It is, the center of the Town. God knew what goes on my mind, God is coming to punish me.

Being smarter that God itself I decided I can find a place where even God won’t find me, I went under Teta’s sofa and I kept hiding there. Eventually God gave up and decided to raise the tax four times only on  my neighborhood  so they would starve and speak about where I was hiding…”

وأحب أشكر السيد الرئيس حسني مبارك على الانسبيراشان