Tag Archives: nadeem

احتفالية اليوم العالمي لمناهضة التعذيب، دالوقتي وقتها

حاولت اني اكتب بقالي فترة عن اللي انا حاساه تجاه الاحداث الاخيرة ولكن مكانش فيه ايه حاجة متفائلة ممكن تطلع، وبما ان الناس كان متنكدة فقولت اعفيهم من الكابة والنكد بتاعي.

الفرق النهارده اني منبهرة برد الفعل القوي اللي في الشارع وبين الشباب باختلاف انواعه، الشباب المسيس والشباب السيس والخ!

التعذيب وبطش الشرطة بالمصريين بيحصل من عشرات السنين، الفرق ان دالوقتي مع وسائل نقل المعلومات الحديثة الموضوع بقى صعب يستخبى، وبما اني عندي أمل في شعبنا العظيم انه بكسر الخوف من الشرطة والتعذيب هيقدر يكسر حجات تانية كتير ، فأنا متحمسة جدا للعمل على موضوع التعذيب وخصوصا نشر حالات قدرت فيها الضحايا تاخد حقها

عشان كدة انا بدعوكم لحضور احتفالية بمناشبة اليوم العالمي لمناهضة التعذيب الي ستقام في نقابة الصحفيين غدا السبت 26 يونيو الساعة السابعة مساءُ والي هيكون التركيز فيها على حالات الناجحة من مواجهة ومحاكمة الظباط الجزارين

فعاليات اليوم هتكون:

عرض فيلم رامي.. من تمى الأمديد

فرقة الأورومو الأثيوبية

فرقة اسكندريللا

دي دعوة للمشاركة وحضور المؤتمر وكمان نقل فيديو فيلم رامي بالتليفونات المحمولة التفلصيل هنا

http://against-torture.net/

Advertisements