Tag Archives: Add new tag

تضامنا مع ضحايا ومعتقلي يوم 6 أبريل

وقفة احتجاجية أمام دار القضاء العالي

تضامنا مع ضحايا ومعتقلي يوم 6 أبريل

من عمال ومواطنين في المحلة الكبرى والقاهرة وغيرهما من المدن

تدعو اللجنة الشعبية للتضامن مع عمال المحلة

المواطنين المصريين من كل القوى الوطنية

للمشاركة في الوقفة الاحتجاجية

أمام دار القضاء العالي

يوم السبت الموافق 12 أبريل،

في تمام الساعة الثانية عشرة ظهراً

أمام دار القضاء العالي بالإسعاف

وسوف تقوم مجموعة من المحامين ضمن لجنة الدفاع عن المتهمين بإعداد مذكرة قانونية تقدم للنائب العام،

تطالب فيها بسرعة الإفراج عن المقبوض عليهم وضرورة فتح التحقيق في حادثة مقتل الطفل أحمد الذي ثبت إصابته بطلق ناري حي منطلقة من سلاح ميري يخص رجال الداخلية .

تعال وادع كل معارفك.. علشان تنقذ اخواتك

اللجنة الشعبية للتضامن مع عمال غزل المحلة

دور الصحافة الشعبية والمدونيين في مواجهة التعتيم الاعلامي لأحداث المحلة

يا جماعة كلنا ملاحظين ان فيه تعتيم حقير في كل وسائل الأعلام عنن اللي بيحصل في المحلةوان التغطية متحيزة وحتى العاشرة مساءاً ماذكرتش سقوط قتلى، الصورة اللس واصلة لأغلبية الشعب هي ان دي اعمال شغب وتخريب وان اللي بيحصل ده غلط

المكن الوحيد اللي فيه تغطية اعلامية حقيقية هو الانترنت والمدونات وده شئ هايل ، بس السؤال دالوقت هو ازاي اللي على الانترنت يوصل لغير مستخدمي الأنترنت . فيه اقتراخات ان يتعمل بيانات فيها أخبار أو نطبع الأخبار من الانترنت  وتتوزع في الشارع على الناس اللي مبيستخدموش النت ولا الفيس بووك ، الناس الي بتقرا الأهرام وبتتفرج على منى الشاذلي اللي كسبت مصداقية شديدةوبعدين خذلت الجميع.

أرجو المشاركة بالقتراحات سريعاً الجرائم اللي بتحصل في المحلة (االي ممكن تشوفها هنا وهنا) لازم توصل للناس لان الجريمة الأكبر ان اللي بيحصل ده ميعرفهوش حد.

أنا بدعو لتنظيم مجموعة تشتغل على نشر الأخبار في الشارع بطرق هناقشها مع بعض والاقتراخات المبدئية هي ببساطة طباعة الاخبار والصور وتوزيعها في الشوارع