Category Archives: مظاهرات

phillip rizk kidnapped

اللجنة الشعبية لدعم الشعب الفلسطيني

شاركونا في وقفتنا غدا السبت الساعة 12 ظهرا أمام مكتب النائب العام

احتجاجا على اختطاف الناشط فيليب رزق.

كان قد القي القبض على فيليب رزق مع 14 ناشط آخرين وأخذوا إلى قسم شرطة الخانكة، وفوجئ النشطاء والمحامين بقيام قوات الأمن باختطاف فيليب رزق من بينهم، متظاهرين بأخذه إلى إحدى حجرات القسم، وإذا بهم يزجون به في عربة.

على الأرجح أنهم قاموا بأخذ فيليب إلى أحد مقرات أمن الدولة، لاظوغلي.

سيقوم المحامي أحد المحامين بتقديم بلاغ اختطاف للنائب العام بكرة في نفس وقت الوقفة

Advertisements

تضامنا مع ضحايا ومعتقلي يوم 6 أبريل

وقفة احتجاجية أمام دار القضاء العالي

تضامنا مع ضحايا ومعتقلي يوم 6 أبريل

من عمال ومواطنين في المحلة الكبرى والقاهرة وغيرهما من المدن

تدعو اللجنة الشعبية للتضامن مع عمال المحلة

المواطنين المصريين من كل القوى الوطنية

للمشاركة في الوقفة الاحتجاجية

أمام دار القضاء العالي

يوم السبت الموافق 12 أبريل،

في تمام الساعة الثانية عشرة ظهراً

أمام دار القضاء العالي بالإسعاف

وسوف تقوم مجموعة من المحامين ضمن لجنة الدفاع عن المتهمين بإعداد مذكرة قانونية تقدم للنائب العام،

تطالب فيها بسرعة الإفراج عن المقبوض عليهم وضرورة فتح التحقيق في حادثة مقتل الطفل أحمد الذي ثبت إصابته بطلق ناري حي منطلقة من سلاح ميري يخص رجال الداخلية .

تعال وادع كل معارفك.. علشان تنقذ اخواتك

اللجنة الشعبية للتضامن مع عمال غزل المحلة

Tiananmen Square protests of 1989

Tiananmen Square Massacre

http://en.wikipedia.org/wiki/Tiananmen_Square_protests_of_1989

بخصوص دعوة “خديجة اه و مصر لأ”

أنا معترضة بشدة على الدعوة بتاعت “خديجة اه ,مصر لأ” و مش عارفة الشباب ازاي وصل للدرجة دي من الأنحطاط في التفكير, و حزينة فعلاً

غير اني شايفة اننا مللناش دعوة بجمال زفت مبارك هيتجوز مين و امتى و نركز طاقتنا و “ابداعنا العالي” في واننا منوصلهاش اياً كانت انها تبقى السيدة الأولى و حرم الرئيس

مش فاهمة فعلاً افكار ايه اللي بقينا بنروجلها؟ ان العلاقة بين الراجل و الست “ذل و إهانة” و ان جمال من حقه ي***ك خديجة لكن مصر لأ! ؟

ونفسي افهم,ايه اللي ممكن تعمله مظاهرة زي دي, و لو زي معظم المظاهرات عشان الدعايا و الأعلام و “تسجيل مواقف” ف ايه بقى الموقف اللي احنا بنسجله؟

بجد يا خسارة الشباب!

البي بي أثناء الثورة

جوة:

يا دي البضان محدش هيتحرك طيب أنا بقى هجري زي العبيطة للميدان و اللي عايز يقول أني بدبس الناس ممكن يبقى عنده حق,

أكيد محدش ورايا, ايه ده, البت شيماء المجنونة كمان جريت  ورايا, طيب والله لاوزع الكام منشوراللي طبعتهم من عند طنط زكية

مين الأهبل ده اللي جي يخطف الحيالله كام منشور و يجري, كاتك نيلة أهبل , طب واالله ما أنا سايبة

ايه الزق ده, يا ربي طب والله لو سابونا نعمل مظاهرة مفيش حاجة هتفرق,

برة: ياولاد الكلب

جوة: ظفري اتكسر, أحا ده بيوجع قوي, الأدرينالين مش هيخاليني أحس دلوقتي

برة:البت ش بترش ماية على الأمن

جوة: الله يخريبيتك الماية جت على شعري و أنا لسه عملاه عند المزين , أحا بتضربني ليه يابني , هي اللي رشتك بالمايه مش أنا, أنا أترشيت زيي زيك

طاخ, أي,كلاب,حيوانات,سيبونا,ياحكومة وسخة,متزوقش,هي دي الرجولة؟اه يا باد وسخة؟حرام عليكواااااااا

طب محدش هنا بيهتف, ماهو أنا صوتي مسرسع و لو هتفت الناس هتسيب المظاهرة و تضحك عليا, ولا مش هيخدوا بالهم بقى في وسط الزحمة

يا دي الكسوف, مفتكرتش أعمل بيبي قبل المظاهرة ليه

ايه ده,صوتي طلع كويس والله, مش مسرسع و عالي كمان

متزقش , يا حيوانات,سيبوه يا كلاب,اآاااااه ,الأدرينالين,حراااااااااااااااااام عليكوا,يا زبالة ازاي عنك بال تقفش فيا يا شيماااااااء يا سااااااااارة,

صوتوا يا بنات صوتوا,

أمسكوا فيه لحسن يخدوه,أمسكوا فيه

برة: أتفوه عليك ظابط وسخ

جوة: أحا, يعني أنا أتف عليه ريالة يرشينا بسبراي

طب أتفوه عليك ظابط وسخ

إسبرااااااااااي, اقفلواااا

برة: شيماء :هتخدوا الولاد و بعدين تعملوا فينا ايه

جوة: كويس اني معايا شيماء

الأدرينالين

مش عايزين تعديل دستور .. عايزينك ترحل وتغور

يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .

تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !

أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع ” نعم نعم يا مبارك ” يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .

يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .

احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!

دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .

يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .

شباب بيحلم ببكرة

يا حضرة الظابط أنا حزب التجمع, مليش دعوة بالمظاهرة

http://salomatakmatak.blogspot.com/2007/03/blog-post.html#links