Category Archives: تدوين

دور الصحافة الشعبية والمدونيين في مواجهة التعتيم الاعلامي لأحداث المحلة

يا جماعة كلنا ملاحظين ان فيه تعتيم حقير في كل وسائل الأعلام عنن اللي بيحصل في المحلةوان التغطية متحيزة وحتى العاشرة مساءاً ماذكرتش سقوط قتلى، الصورة اللس واصلة لأغلبية الشعب هي ان دي اعمال شغب وتخريب وان اللي بيحصل ده غلط

المكن الوحيد اللي فيه تغطية اعلامية حقيقية هو الانترنت والمدونات وده شئ هايل ، بس السؤال دالوقت هو ازاي اللي على الانترنت يوصل لغير مستخدمي الأنترنت . فيه اقتراخات ان يتعمل بيانات فيها أخبار أو نطبع الأخبار من الانترنت  وتتوزع في الشارع على الناس اللي مبيستخدموش النت ولا الفيس بووك ، الناس الي بتقرا الأهرام وبتتفرج على منى الشاذلي اللي كسبت مصداقية شديدةوبعدين خذلت الجميع.

أرجو المشاركة بالقتراحات سريعاً الجرائم اللي بتحصل في المحلة (االي ممكن تشوفها هنا وهنا) لازم توصل للناس لان الجريمة الأكبر ان اللي بيحصل ده ميعرفهوش حد.

أنا بدعو لتنظيم مجموعة تشتغل على نشر الأخبار في الشارع بطرق هناقشها مع بعض والاقتراخات المبدئية هي ببساطة طباعة الاخبار والصور وتوزيعها في الشوارع

أفرجوا عن عمر شرقاوي

عرض لأفلام مستقله خاص للمدونين

سينظم بعض المخرجون المستقلون عرض خاص لأفلامهم للمدونين في معهد جوته(5 شارع البستان وسط البلد) يوم الأحد الموافق 17 يونيو

الأفلام:

1- يوم الأتنين لتامر السعيد

2-سبيل الصغار لعمر خالد

3-ماكسيم لمحمد رشاد (وهذا العرض الأول لفيلم ماكسيم)

4-أزرق و أحمر لمحمود سليمان

5-إيثاكي لأبراهيم البطوط

عرض الأفلام سيكون من الساعة السادسة للساعة التاسعة,ساعة لعرض 4 أفلام قصيرة ثم ساعة لفيلم إيثاكي

يأمل منظمي الحدث من المدونين الحضور ثم الكتابة عن الأفلام في مدوناتهم,سواء تقديم نقد للأفلام أو رأي والخ

و هذا تكرار لنفس التجربة التى حدثت في الأسكندرية و هنا بعض الوصلات:

اسكندرانية

كنبة حمرا

أمواج ثائرة

كيس فشار

مرايات

شباك

باربي هانم

أشوفكو هناك