بخصوص دعوة “خديجة اه و مصر لأ”

أنا معترضة بشدة على الدعوة بتاعت “خديجة اه ,مصر لأ” و مش عارفة الشباب ازاي وصل للدرجة دي من الأنحطاط في التفكير, و حزينة فعلاً

غير اني شايفة اننا مللناش دعوة بجمال زفت مبارك هيتجوز مين و امتى و نركز طاقتنا و “ابداعنا العالي” في واننا منوصلهاش اياً كانت انها تبقى السيدة الأولى و حرم الرئيس

مش فاهمة فعلاً افكار ايه اللي بقينا بنروجلها؟ ان العلاقة بين الراجل و الست “ذل و إهانة” و ان جمال من حقه ي***ك خديجة لكن مصر لأ! ؟

ونفسي افهم,ايه اللي ممكن تعمله مظاهرة زي دي, و لو زي معظم المظاهرات عشان الدعايا و الأعلام و “تسجيل مواقف” ف ايه بقى الموقف اللي احنا بنسجله؟

بجد يا خسارة الشباب!

21 responses to “بخصوص دعوة “خديجة اه و مصر لأ”

  1. وانا أؤيدك

  2. أنا مش فاهم وجه إعتراضك على الفكرة

  3. انا معترضة على الفكرة من أولها لأخرها يا طارق, السبب,و الهدف و الطريقة و الشعار و المفاهيم المستخدمة, كل حاجة

  4. فعلا حاجة وسخة

  5. إنتوا بتتكلموا بجد ولا بتشتغلونا
    فيه حملة و مظاهرة كمان إسمها خديجة آه مصر لأ
    الرحمة يا جدعان
    كفاية بضان عشان الناس في الشارع مبضونة كفاية مش ناقصين

  6. بصراحة عندك انا شايفة انها قلة أدب مطلقة بصراحة
    وبدل ما الشباب دول يحاولوا يستقطبوا الشارع أو يشجعوا الناس على الانضمام بيرسخوا فكرة الانحلال الاخلاقي التي تروج عنهم
    آخر عدد من مجلة روزاليوسف التي مازال العامة والدهماء يقرءونها عاملة تحقيق طويل عريض العدد اللي فات عن الفساد والانحلال الاخلاقي لشباب اليسار ..

    الخوض في الاعراض والتهكم الفاضح بالشكل ده مش مفيد لاي حد .. الاساءة لازم نرفضها سواء لينا أو مننا ..
    احترام الاخلاق لازم يكون ضمن أي أهداف لناس عايزة تصلح بجد

  7. الموقف اللي احنا بنسجله مش اعتراض على جوازة ميتجوز ولا يعمل اللي هو عاوزه ..لكن لما يموت ناس بسبب ان المحروس بيتجوز يبقى اكيد لأ .. ما هو لو كان موضوع جوازة بيعدي عادي مكنش حد هيتكلم
    في ناس اتقتلت في سينا تاميناً لجواز جمال.. وفي الوف من البدو عاوزين يدخلوا اسرائيل هروبا من اللي بيحصل فيهم في سينا بسبب جواز جمال مبارك .. في حظر تجول في سينا عشان هو بيتجوز.. انا يمكن كنت هاخد موقفك لو كان ده محصلش ..لكن حصل .. عيدميلاد حسني مبارك برضه يوم الجمعة

  8. يا جماعه دى أفتكاسه لطيفه زى زى لما كنسنا عليهم السيدة:)

    المعارضه مش عارفه تعمل مظاهرة و لا مسيرة محترمه خلاص نهبل بقه زى النظام ما بيهبل ده فرح معازيم و ظغاريط و أغانى و نرش ورد و نروح

    و الرساله الى بنوجهها

    يا حبييبى أتجوز بعيد عننا ميروك عليك خديجه لكن مصر لأ

    مفتكرش فيها حاجه غلط

  9. قطر الندى هانم🙂

    إيه مالك عنيفة كدة ؟ أمال فين المرأة الخيخة ؟

    الانحتات مرة واحدة ؟ يعني أنا منحت ؟

    ربنا يسامحك🙂

    شوفي يا ست الكل

    أولاً فيه خلل جوهري في كلامك , الدعوة مش لمظاهرة إطلاقاً ده فرح يا قطرالندى فرح
    بالإفرنجي :
    wedding party

    إحنا فعلا ملناش دعوة جمال مبارك هيتجوز مين خالص , هو حر يتجوز اللي هو عايزها دي حاجة ترجعله وهنبقى فرحانين باختياره زي ما بنفرح لأي شاب مصري بيتجوز على اعتاب الأربعينيات بعد ما يكوّن نفسه.

    احنا فعليا بنتكلم في النقطة اللي إنت قلتيها ألا وهي إن خديجة متبقاش حرم الرئيس

    احنا بنقوله مبروك يا جيمي على جوازك من خديجة بس اصرف نظر عن موضوع جوازك من مصر

    عشان مصر العصمة في إيدها وهي اللي بتختار رئيس مش زوج يا قطر الندى

    اللي هتعمله الفعالية دي وأرجع أقول إنها فرح مش مظاهرة هو أنها حاجة لطيفة هتقدم قصة إخبارية تانية مختلفة في الميديا اللي هتكون مشغولة بالفرح الأساسي في والتلميع الإعلامي للعريس , احنا كشباب مصريين هنتكلم في التوقيت ده عشان نبارك لجيمي بجد و بنعمله فرح شعبي فيه أغاني وشربات وبتاع بدل الفرح العسكري المدجج بالسلاح اللي هو عامله في شرم الشيخ ونقوله إننا برضه رافضين التوريث إذا كان فاكر إن جوازه هو اللي هيكمل صورته الاجتماعية ويخلي المصريين يقبلوا بيه بعد الحاج أبوه

    دلوقتي بقى اقلبي الصباع اللي فوق ده ومتنسيش تحضري الفرح عشان تشربي الشربات وتاخدي القرطاس الرسمي للعزبة اللي هنوزعه على المعازيم🙂

  10. muhammed adel

    balash kalam fadi we khayaba . howa elfada ya3ni khalas

  11. قطر الندى هانم🙂

    إيه مالك عنيفة كدة ؟ أمال فين المرأة الخيخة ؟

    الانحتات مرة واحدة ؟ يعني أنا منحت ؟

    ربنا يسامحك🙂

    شوفي يا ست الكل

    أولاً فيه خلل جوهري في كلامك , الدعوة مش لمظاهرة إطلاقاً ده فرح يا قطرالندى فرح
    بالإفرنجي :
    wedding party

    إحنا فعلا ملناش دعوة جمال مبارك هيتجوز مين خالص , هو حر يتجوز اللي هو عايزها دي حاجة ترجعله وهنبقى فرحانين باختياره زي ما بنفرح لأي شاب مصري بيتجوز على اعتاب الأربعينيات بعد ما يكوّن نفسه.

    احنا فعليا بنتكلم في النقطة اللي إنت قلتيها ألا وهي إن خديجة متبقاش حرم الرئيس

    احنا بنقوله مبروك يا جيمي على جوازك من خديجة بس اصرف نظر عن موضوع جوازك من مصر

    عشان مصر العصمة في إيدها وهي اللي بتختار رئيس مش زوج يا قطر الندى

    اللي هتعمله الفعالية دي وأرجع أقول إنها فرح مش مظاهرة هو أنها حاجة لطيفة هتقدم قصة إخبارية تانية مختلفة في الميديا اللي هتكون مشغولة بالفرح الأساسي في والتلميع الإعلامي للعريس , احنا كشباب مصريين هنتكلم في التوقيت ده عشان نبارك لجيمي بجد و بنعمله فرح شعبي فيه أغاني وشربات وبتاع بدل الفرح العسكري المدجج بالسلاح اللي هو عامله في شرم الشيخ ونقوله إننا برضه رافضين التوريث إذا كان فاكر إن جوازه هو اللي هيكمل صورته الاجتماعية ويخلي المصريين يقبلوا بيه بعد الحاج أبوه

    دلوقتي بقى اقلبي الصباع اللي فوق ده ومتنسيش تحضري الفرح عشان تشربي الشربات وتاخدي القرطاس الرسمي للعزبة اللي هنوزعه على المعازيم🙂

  12. قطر الندى هانم🙂

    إيه مالك عنيفة كدة ؟ أمال فين المرأة الخيخة ؟

    الانحتات مرة واحدة ؟ يعني أنا منحت ؟

    ربنا يسامحك🙂

    شوفي يا ست الكل

    أولاً فيه خلل جوهري في كلامك , الدعوة مش لمظاهرة إطلاقاً ده فرح يا قطرالندى فرح
    بالإفرنجي :
    ويدينج بارتي

    إحنا فعلا ملناش دعوة جمال مبارك هيتجوز مين خالص , هو حر يتجوز اللي هو عايزها دي حاجة ترجعله وهنبقى فرحانين باختياره زي ما بنفرح لأي شاب مصري بيتجوز على اعتاب الأربعينيات بعد ما يكوّن نفسه.

    احنا فعليا بنتكلم في النقطة اللي إنت قلتيها ألا وهي إن خديجة متبقاش حرم الرئيس

    احنا بنقوله مبروك يا جيمي على جوازك من خديجة بس اصرف نظر عن موضوع جوازك من مصر

    عشان مصر العصمة في إيدها وهي اللي بتختار رئيس مش زوج يا قطر الندى

    اللي هتعمله الفعالية دي وأرجع أقول إنها فرح مش مظاهرة هو أنها حاجة لطيفة هتقدم قصة إخبارية تانية مختلفة في الميديا اللي هتكون مشغولة بالفرح الأساسي في والتلميع الإعلامي للعريس , احنا كشباب مصريين هنتكلم في التوقيت ده عشان نبارك لجيمي بجد و بنعمله فرح شعبي فيه أغاني وشربات وبتاع بدل الفرح العسكري المدجج بالسلاح اللي هو عامله في شرم الشيخ ونقوله إننا برضه رافضين التوريث إذا كان فاكر إن جوازه هو اللي هيكمل صورته الاجتماعية ويخلي المصريين يقبلوا بيه بعد الحاج أبوه

    دلوقتي بقى اقلبي الصباع اللي فوق ده ومتنسيش تحضري الفرح عشان تشربي الشربات وتاخدي القرطاس الرسمي للعزبة اللي هنوزعه على المعازيم🙂

  13. أسد باشا,
    يعني مش عارفة أقولك ايه!!!أولاً أا لسة امبارح بعد ما كتبتت البوست عارفة انك انت اللي مفكر في الفكرة و بادي الدعوة, و ده شئ يحزني أكتر لأن مفيش شك على اني باحترمك و و و والخ و ان الأختلاف في الرأي لا يفسد للود قضية
    غير ان ده ميغيرش اني لسة شايفاها فكرة زي الزفت و لو لاحظت انا صعبان عليا الطاقات و الأبداع يضيع في حجات زي كدة, و غير اني معترضة على الحدث كله, اعتراضي الأكبر كان على عنوان الدعوة و أول لما حد بيقراه مبيفهمش ان دي شباب ضد التوريث و بس, بيفهم كمان المعنى الوقح اللي في الكلام و هو مش ان جمال مش “هيتجوز” مصر و انت فاهم و انا فاهمة, و برضو هو الجواز تعذيب يابني,هيتجوزها يبقى طبيعي انه هيبهدلها و يذلها, طبعاً مش هيحبها و يدلعها, يعني من غير لت و عجن كتيير, انا وضحت و جهة نظري و الفكرة و المفاهيم اللي أنا معترضة عليها
    تريقتك بقى على المرأة الخيخة فالله يسامحك يا سيدي
    جواز جمال لا يعني ليا شئ فأنا اآسفة مش هاجي العزومة دي, ابقى اعزمنى على فرحك انت و انت هتشوف انا هاجي و ازغرط اعمل كل حاجة

  14. عمر سيزر, الكلام اللي بتقوله ملوش دعوة بالدعوة, لأن مفيش اي زكر للناس اللي ماتت في سينا في الدعوة, و لو فيه ناس ماتت فعلاً يبقى الموضوع مظاهرة أو اعتراض على الحجات اللي حصلت عشان فرح المحروس يتم, بس انا مش شايفة ان اي حد جاب سيرة الحجات دي في الدعوة, و برضو يا عمر لسة معترضة على الصلوجان المستخدم

  15. تحياتي

    لا ادري لماذا نحن مهتمون ( من الاهتمام) بموضوع زواج شاب مصري مثله مثل اي شاب اخر…و عارف ان ها يجاوب كتير و يحوروا الموضوع و يقولوا لا احنا مهتمين بمصر …

    ردي ان من يهتم بمصر فعلا…و يحبها فعلا …يعمل يبتكر …يُجود و يتقن في عمله…كفاية بطالة و استمراء للراحة….انهض يا شباب من علي المقاهي…لا تنتظر ان تكون موظف ياخد فتات او بضعة جنيهات و تعود بعدها و تشتكي…
    المشكلة اننا كلنا أعيننا مفتحة جدا علي الاخرين…و عمر واحد منا ما نظر الي داخلة…ليري عيوبه…ليري امكاناتهو قدراته و يستغلها صح.

    الحقيقة كمان ان الاعتراض و الرفض لابد ان يكون علي مستوي حضاري و ليس سب و لا تطاول علي اي أنسان كائن ما كان.

    ياريت بدل الوقت ما يضيع منا …نشوف انفسنا الاول نقدر نعطي ايه لمصر
    و هذا هو الحب الحقيقي…و ليس الشعارات التي قد تخفي ورائها ما تخفي…

    هذا نقد و رأيي شخصي…و ليس انتقاد و لا تجريح و لا إنتقاص من قدر أحد…فالكل أمام الله سواء و الكل سيسأل امام الله عن وقته و مالة…و انتم أعلم مني بالحديث الشريف، لذلك لن اذكرة بالنص.

    تحياتي

  16. عارف ان مفيش حد جاب سيرة الناس اللي ماتت في سينا انا بكلمك عن وجهة نظري في النزول .. يمكن بجد لو كان الموضوع عدي عادي مكنتش ههتم انه يتجوز..وبعدين في حاجة تانية..انا مش عارف انتي ليه فهمتي الدعوة بالشكل اللي انتي فهمتيه ده..اكيد مش فيه حد كان قصده كده .. عن انا فهمتها اديك اتجوزت .. شيل من دماغك موضوع مصر مش اكتر من كده
    وعن موضوع ان لو الحكاية بسبب الناس اتقتلت كانت تبقى مظاهرة فانا شايف انه مش لازم و ده تقديري الشخصي برضه .. باعتباره مليطة ..وعلي راي رامي أفضل طريقة نواجه بيها المرقعة الحكومية أننا نعلن حالة المليطة الشعبية

  17. طبعا شيء يضايق جداً سواء الكلام دا اتقال في مظاهرة حقيقية او حتى “افتراضية” في مجموعة من المدونات مثلاً … بس الحقيقة دا التمن اللي لازم ندفعه لأن الشعب المصري أصبح شعب “قبيح” (بنطق الكلمة العامي والفصيح). البذاءات منتشرة بشكل ممجوج جداً فيما اسميه مدونات الهاردكور hardcore blogs وهي المدونات اللي بتتكلم في موضوعات سياسية أو دينية أو جنسية (زي مدونات بتشتم في الرئيس/النظام، مدونات بتشتم في الأديان أو الإسلام، مدونات المثليين، الخ) كل هذه المدونات مليئة بكلام أسوأ بكثييييييييير من مجرد “تلميح” في مظاهرة تخص زواج جمال بخديخة!!

  18. لأ يا فتدم
    أنا معنديش مانع من استخدام الألفاظ, أنا عندي مانع من المفاهيم اللي الألفاظ دي بتدل عليها

  19. انا شايف ان الحركه كانت محاوله من المحولات الكثيره لتغذية مفهوم العصيان امدني في الشارع المصري

    المفهوم ده بيحتاج وقت عشان يتغذى عشان يعرفوا ان التعبير حق و النزول للشارع لايعني الاعتقال

    و في فايده كبيره جداً لو شوفتي منظر الامن او الصور ليهم
    تكتشفي ان التدوين هو قوه و هم عالمين بذالك
    الحركه الداعي لها المدونات و غير مدعومه من حركات اخرى او احزاب و رغم ذالك بيعملوا حساب لهؤلاء المدونون

    مع احترامي لرأيك انا شايف انها ذات فائده

  20. انتي بتذاكري من ورايا يا بت
    وعملتي مدونة جديدة وتويتر كمان
    عموما مبروك
    ومش هاقولك ما حطيتيش وصلة للوعي المصري ليه
    ولو حطيتيها يبقى برضه بعد ايه
    يللا ما علينا

  21. باين عليكي غيرانه انه اتجوز خديجة وكان نفسك يتجوزك انتي صح؟
    بس الراجل ذنبه ايه؟ مابيحبش التخان الملظلظين اللي زيك ايه غلط كده انه يتجوز علي مزاجه؟
    اعملي رجيم يا قطر وانتي العرسان يجولك زي الحلاوه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s