لو تروح و تقول مسافر ,مين يسأل علينا

 هي:

أيوة و اقعد أحاسب نفسي, مش عارفة أزاي بيقولوا ان اللي معندوش رب يحاسبه هايعيش مرتاح,مفيش أصعب من حساب النفس

أيوة, أنانية,طول عمري فعلاً أنانية,و عايزة العالم يدور حوليا,اتكلم عن جراحي و الكل يسمع,واالي عايز يفضفضلي مش هيلاقيني,أنا مشغولة,عندي جراح ,بس اه لو يعرفوا ..

أيوة طماعة, مبكتفيش بأي حاجة عندي, عايزة ابقى اله,الجمال و الحب و الحرب و البحر و السما و الطب و الحنان,عايزة كل حاجة ,ناس حواليا لما أبقى و حيدة, أبقى نفرية و وحدانية لما يبقى طالع عليا عفريت الأستقلال, و طبعاً مليش دعوة الناس محتاجة ايه…بس هو مين مش طماع,مين مش عايز كل حاجة

أيوة مستغلة, بستغل كل حد و أي حد, بستغله و أنا و حيدة و ضعيفة و أرميه و أنا شبعانة و قوية,

و أطلب من الجميع انهم يفهموا و يعذروا و يقدروا جروحي, قد ايه أنا مجروحة

بس آه لو تعرفوا..

النهردة , أنا عارفة يعني ايه ابقى خايفة على حد يتجرح,حد أضعف,حد أصغر,حد أحلى, لازم أختار اني مبقاش أنا سبب الجرح

لازم أبعد …و عمري ماهنسى

إن في رحلتي الطويلة للبحث عن الحب, هي اللحظات الصغيرة دي اللي عمرها مهتتنسي و أني يوم مهفقد الأمل في الحب المطلق العنيف اللي بيخلي الناس يعدوا لياليهم الطويلة الحزينة, هفتكر الكام لحظة دول,الكام لمسة دول,الكام عين دول,و هكمل..

كفاية عليكي كدة, متبقيش طماعة,متبقيش أنانية و مستغلة,الحب برضه لازم يتوزع بالتساوي على الناس , و برضه لازم يبقى فيه تكافؤ فرص,

 كفاية عليكي كده,يا طماعة

4 responses to “لو تروح و تقول مسافر ,مين يسأل علينا

  1. اول مرة الاقيكى بتتكلمى كدة, او تكتبى كدة🙂 بس عيب عليكى, اوعى تفقدى الامل فى الحب المطلق العنيف, لو مش ده اللى هنقعد نصدق فه, و نستناه, امال نستنى ايه؟؟
    و بعدين ايه لازمة قصص الحب الضايعة اللى انا و انتى كنا بنقراها؟؟
    طماعة, كل واحد بيبقى طماع مع الحاجات اللى بتبسطه, لسة من يومين كنتى سألتينى مبسوطة؟ قلتلك ايوة, قولتيلى بس عايزة اكتر؟ قلتلك ابقى طماعة, قلتيلى من حقك

  2. نسيتي اله التحرش يا قطوره
    اسمه
    satyr
    وهو الاله الجدير بواحده زي سيادتك

  3. انك لاتدرين معنى ان يمشى الأنسان ويمشى
    بحثاً عن أنسان اخر
    حتى تتأكل فى قدمية الأرض
    ويذوى من شفتيه القول
    ………………………………………….
    من يمسح عنى عرقى فى هذا ليوم الصائف؟
    والظل الخائف
    يتمدد من تحتى يفصل بين الأرض وبينى
    وتضائلت كحرف مات بأرض الخوف
    (ح.ب)
    (ح.ر.ي.ه)
    الحرف السيف
    ماذلت ارود بلاد اللون الداكن….أبحث عنة
    بين الأحياء الموتى …..والموتى الأحياء
    حتى يرتد النبض الى القلب الساكن
    لكن
    أمل دنقل

  4. على فكره الكلام ده جامد جدا وعججبنى جدا جدا جدا
    بجد والله تحفه مش عارف اقولك ايه
    لو بايدى كنت جيت سلمت عليكى

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s