My Feverish Stream of Consciousness

“Feeling tired
By the fire
The long day is over ”

تاكسسسسيييييييييهههه

 مساء الخير

…..

“فيوم الحشر …العرق…النار …الثعبان الأقرع”

يادي القرف أنا هنزل, “نزلني هنا لو سمحت”

“عايز 2 جنيه” “مش هديك اتنين جنيه

“The world has raised its whip;where will it descend?” Virginia Woolf,Mrs Dalloway

مش فاهمة أزاي ممكن يفضل يسمع الحجات دي بالليل كدة ده أنا يجياي كوابيس,ممكن شغالهولي عشان أنا لابسة جيبة قصيرة النهردة, طب أنا قلت مش هركب مترو و أنا لابسة الجيبة لكن كمان مركبشي تاكسي أعمل أيه,ااسواق الحيوان قال للناس أني نزلت هشان هو مشغل قراّن, ده فراّن يابن الكلب؟؟؟ده أنت كنت مشغل فيلم رعب و أنا تعبانة و مكنتش هستحمل الكلام ده طول الطريق, بس ممكن كنت أنفض, أشمعنى دي ياعني اللي عايزه أخد فيها موقف,و يمكن هو كمان مكنش قاصده يشغلهولي أنا بالذات, بس ده كدب! و قال للناس أنه كان مشغل قراّن, بتكدب لييييه؟هتروح النار اللي عمال تسمع عنها.طبعاً الناس فالت دي أكيد كفتسة معفنة,شوفوا لابسة جيبة أزاي و كمان ريحتها أزاي و كمان عضمها أزرق, هاهاهاها

 

“نزلني هنا لو سمحت”

“اّنسة أنا عندي أستفسار ولا مؤاخدة, أنت نزلتي ليه من التاكس اللي قابلي

   “كان مشغل شرايط مرعبة , :) تصبح على خير”

 

بررررر الدنيا برد جداً, بس أنا لابسة كتير و متغطية ب3 بطاطين ,أنا أكيد سخنة, ماما (لمى الواحد بيكون سخن بيحس أنه بردان) هاهاها طيب أكمل نوم ولا أصحى؟ممكن أخد دوا,بس الدوا مش هيشتغل عشان أنا بحلم,ممكن يشتغل محدش عارف أد ايه العقل الباطن قوي, و بعدين أنا بدفع فلوس تأمينات و رعاية صحية بقالي 3 شهور و المفروض أشوف الرعاية دي بقى, فين الرعاية, أيوة أنا فعلاً بقيت  

demanding

“The wind is gone
Asleep at dawn
The embers burn on ”

ايه ده؟؟أزاي بيجيلهم قلب يعذبوه كدا و كمان يصوروه , بيولوا جقنة كبيرة تنفخ ايده أكيد بتوجع,أنا بخاف من الحقن, يارب ماحلم بكدة,الله يخرب بيت العقل الباطن, أتفوه عليكم يا أمن الدولة “لازم تاخدي الحقنة”, دي حقنة كبيرة , يا لهوي دول حقنتين,واحدة سالب و واحدة موجب لمى أخدهم هيبقى دمي كله مكهرب,الحقنة الأولى بتوجع قوي و أيدي بتتنفخ من كتر السائل اللي داخل فيها , مش هستحمل الحقنة التانية, “طيب هخلي ماما هي اللي تديهالي, هي دكتورة و بتعرف تدي حقن” “ماما بتدلق الحقنة على الأرض! أكيد مش عايزة توريهم, بس أخدوا بالهم برضوا, لازم أنا اللي أخد الحقنة بنفسي بقى مانا هخدها هخدها, من أمن الدولة أو أمي أو حتى أنا

صحيت,,

” ماماااااه أنا عيانة مش هروح الشغل”

*”النوم لذيييييذ”

الله يخرب بيت الشيشة و السجاير, لو فيه ربنا, أكيد هيبقى قريب أمي, دي كل ماتقول حاجة بتحصل

 

 

طب ايه أصبغ حواجبي كمان عشان تليق على شعري؟

 أزاي يعني يسارية و عندي 25 جوز جزمة!طب المفروض يبقى عندي كام كتاب قصادهم؟

 

“With no reprise
The sun will rise
The long day is over”

20 responses to “My Feverish Stream of Consciousness

  1. يا سلام يا سلام: يعنى انا اسمع الحديث الشريف بتاع سواق التاكسى و انت ماتسمعيش الى هوا مشغله ؟😉

    بمناسبة السجاير انا مش عارف ايه اللى فكرنى بحته من مدونة نزوات الرب العاطل المرحومه كانت بتتحدث عن الاله و انه بيشرب مارلبورو اسود!!!

    ماحدش يسالنى ايه علاقة اللى انا كاتبه ده بالموضوع اللى فوق.

  2. أنا ما باخافش من الثعبان الأقرع، بس باترعب لما باتخيل ثعبان بشعر

  3. it ‘s realy a strange country.

    You are a client and you go in a taxi who impose what you should hear, weather it’s coran, songs, stories….

    realy strange

  4. صراحة…

    ما فهمتش حاااااااجة😀

    و آسف على الازعاج،،،

  5. انا اعرف واحد مش يساري و بيجيب بنطلون ب 100يورو , فمتزعليش اوي يا قطر ,,,قصدي يا قطر الندي

  6. الاخ قسام طبعا لازم متفهمش حاجة الا اذا كنت قرأت لفرجينيا وولف و بردك لو قرأت مش هتفهم هاها ، انما ايه الحلاوة دى يا بنت فرجينيا وولف طلعت من قبرها وكتبت ، فكرتينى بالذى مضى وبالدكتورة فاتن ربنا يمسيها بالخير بقى ، انا من رأيى لازم تألفى كتاب وتسميه مذكرات الاميرة سلمى او حاجة زى كدة !

  7. Lovely pictures and poems, nice work, stay safe!

    absurd thought –
    God of the Universe thinks
    up ways to keep women down
    .

  8. absurd thought –
    God of the Universe thinks
    up ways to keep women down
    .

  9. أنا معاكي إن مش المفروض الواحد يفرض على حد حاجه يسمعها..في غيرك مبيحبش يسمع أغاني و يلاقي التاكسي مشغهلها…بس المفروض برضه الواحد ميشتمش كده و يقول أيه القرف ده لما الواحد يسمع حاجة عن عذاب الاخره , ده المفروض نقل يارب استرها معانا على الاقل… عموما ربنا معاكي و معانا و يهدي الجميع

  10. بس هو أكيد في عذاب في الدنيا !!!!!! يا رب ارحمني

  11. فكرت كتير في اللي هقوله, كنت مقررة من الأول اني موضحش اي حاجة عن لبسي و هل هو غريب ولا لأ في الشارع المصري, لأني مش شايفه ان هي دي القضية بس عشان يكون في العلم عمر ما كان اللبس هو سبب المضايقة (ده في تجاربي أنا) لأن انا مش مختلفة عن الأغلبية غير فأني مش محجبة و بالعكشس انا بحاول ميبقاش شكلي غريب ( و ده مش عشان المعاكسة ) بس عشان مبقاش غريبة في شوارع بلدي
    و لكن انا مش شايفة ان ده ليه دعوة بالمشكلة و ان حتى اللي عايزين يلبسوا عريان زي الأجانب من حقهم يمشوا في أمان و مش من حق اي حيوان انه يحس ان مدام هي لبسة كدة يبقى هي عايزة “تتقفش” و اللي يدافع عن الرأي ده يبقى حيوان, و الكلام ده مقرر ف خلصنا

  12. اقصد الكلام مكرر

  13. برضه مش مضطرة اقول كدة بس هاقول الصورة اللي في دماغك (جيبة قصيرة و مفتوحى) صورة غلط مش معقول هقعد اوصف بقى لو انت فاضي انا مش فاضية بس كافي اقول انه كان لبس رسمي عشان كنت في الشغل و ياليل دي 10 بالليل
    و برضه انا بقول ان الأولوية نكلم المتحرشين عشان يتلموا مش نسلم بالأمر الواقع و نكلم المتحرش بهن عشان “يصونوا” نفسهم
    فهمت ولا نقول كمان؟
    يا مسهل

  14. فكرتينى يا قطر ندى بحواراتى مع سواقين التاكسيات
    فى مرة برضه كنت راكبة تاكسى وبعدين لقيته مشغل حاجة كده حد صوته حلو اوى شبه اللى بيحكو حواديت ألف ليلة وليله افتكرت راديو وبرنامج حواديت وبعدين شوية والاخ قعد يتكلم عن الفجر بتاع بنات المسلمين وان ازاى المنحطين أهاليهم بيسمحولهم انهم يتعلمو!!!!!!!!!!!

    وقعد بقى يقول ازاى ازاى يخرجو ويتعلمو ويتأخرو بره بيوتهم لحد الساعة 10 بالليل ده فجر
    طبعا انا مسكتنى هيسترية ضحك والسواق قعد يبصلى شذرا كده وكان أرفان منى أخر أرف:-)
    بس احيانا كتير لما بيكون فى شرايط من النوع ده شغالة بخلص دماغى وأقوله وطى أو اقفله عشان مصدعة او اعمل انى معايا تليفون عشان يخرسه خالص
    ياما الواحد بيشوف فى التاكسيات يا بنتى
    مساء الفل

  15. مساء العسل يا جميل
    أنا كمان ساعات كتيرة بطنش بس فعلاً يوميها مكنتش قادرة.و ساعات برضه بيبقى مفيد ان الواحد ياخد موقف عنيف و غير متوقع يثبت بيه حاجة
    اللي هو طب بقى منيش راكبة معاك
    أهو!

  16. من اعمالك صلت عليكم

    كان لازم اتوقع شخصيتك دى من مدونة التحرش كدة بقا انا صدقتك فى كل اللى بيحصل بس فيه سؤال انتى قولتى هنا انك قولتى للسواق ينزلك انا بصراحة مش فاكر هل قلتى للسواق اللكان ب***** (يمارس العادة السرية) وهوة سايق ينزلك ولا ولا بتاع الدين اسوء بالنسبة ليكى من بتاع ال****

  17. Ahmed Sun and Hazin,

    Ento nas, ma3lesh, 2olalat elzo2 la2an dih wa7da 7orra mesh ta7t ra7met el ta7’aloff elly ento 3aysheen fih dah.
    Mesh 3ayza tesma3 3azab el kabr we elte3ban el a2ra3..
    rabena yeshfiko ento we sawa2in eltax elly beysama3ouko elsharayet dih… momken yekoun wa7ed mekaniky ma3abilo sheritein we 3ayez ye3mel fiha Abo 7anifa, we syadtak betesma3 zay el bakabort el maftou7 kol wa7ed yesho7′ fe wedno.

  18. Eskandarany انت ايه دينك اصلا يريت متتكلمش غير فى اللى بتفهم فيه الهانم بتشتكى من المعاكسة و تقول إن سواق التكسى كان بيمارس العادة السرية و هية ركبة معاه و دلوقتى بتقول إن السواق شغلها شريط دينى راحت سيبالو العربية و قلتله نزلنى يعنى افهم من كدة انهى فيهم اللى احسن بالنسبة ليها.

  19. Eskandarany بؤلك ايه متبقاش تتكلم فى اللى ملكش فيه و كفاية الإنحدار الأخلاقى اللى تسبب فيه امثالك من العلمانيين و امثلها من هواة الملابس الفاضحة و مثيرى شهوات الشباب.

  20. It’s amazing! You sounded more like reading Andre Breton bas in Arabic!
    Really nice, I can easily say it’s my favorite type or writing, without actually knowing, is it the writing or is being a leftist what attracted me the most🙂
    Blessed.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s