كسر حاجز الصمت ,,و البحث عن حلول

   بعد

 منال 

 و معت

  و شيماء

 و زرقاء اليمامة

و زبيدة

و لست أدري

و   strawberry  

و زينب حولت تفكر في حلول

و كمان لقيت د. سحر الموجي و نبيل شرف الدين كاتبين في المصري اليوم النهردة كاتب عن الحدث 

   فعلا فرحت جدا في الشباب الهايج بتوع مدونة أسيوط  اللي كانوا بيقولوا أن البنات هم السبب في اللي بيجرالهم و كمان كانوا بيهددوا بحاجة شبه اللي حصلت في أيام العيد

عايزين ندور على حلول, حلول بجد غير الحلول اللحظية اللي كلها وسائل دفاع عن النفس, أنا شخصيا عايزة مبقاش في حالة دفاع عن نفسي وانا ماشية في الشارع,صعب الموضوع ده يعني؟مستحيل؟

كنت بفكر في حاجة تتنظم (أضعف الإيمان)  في المناسبات المتوقع حدوث حجات زي كدة فيها, فكرت برده يبقى فيه حاجة السنة الجاية في العيد نحاول نمنع اللي حصل ده من أنه يحصل تاني و خلوا بلكوا أن فيه عيد جي قريب.هو اه مش بعد صيام بس المصريين صايميين على طول من الناحية دي. ممكن واقفة,ممكن ناس تنزل تصور ,ممكن نعمل وقفة أحتجاجية نسائية

أنا عارفة أن في كذا حد بيفكر في حلول فيالا بينا نفكر سوى 

16 responses to “كسر حاجز الصمت ,,و البحث عن حلول

  1. حد يعرف لو الأخبار وصلت الناس بتوع الشارع لنا؟

  2. حلو جداً ده تنظيم فاعلية لمنع تكرار الحدث بالعيد الكبير
    واستغلال الوقت لتنظيم فاعلية العام القادم لأحياء ذكري الحدث , ومنع الأعلام من أهمالها

  3. Behind you 100%. For the guys, how about the next time you see harassment on the street you draw some attention and stand up for the girl? If the police won’t do it, we will.

  4. المشكلة دي تتحل لما الفساد ينتهي.. في السبيعنيات من القرن الماضي كانت أقل الحوداث هى الحوادث الجنسية بالرغم من أن البنات كانت بتلبس ميكروجيب.. ودة دليل أن المشكلة مش في الهدوم المشكلة أصبحت في النفوس لازم الفساد اللي احنا عايشين فيه ينتهي لانه هو السبب في الفساد الاجتماعي والاخلاقي والديني والدراسي ما ينفعش نقول هو الاكل بيفسد له واحنا حطينه في بيئة ملوثه.. واللي حصل دة هيحصل أكتر منه أن المثقفين في البلد دي ما وقفوش وقفه صح.. وشكرا
    http://masreyhammney.blogspot.com
    waelelgazawey@hotmail.com

  5. حل هذه الكارثة التي وقعت في وسط القاهرة والتي اتخذت صدى واسع جدا في كل وكالات الانباء والصحف المصرية والعالمية هى نتاج طبيعي للفساد الذي تعيش فيه مصر منذ 25 عاما فلا يمكن انتاج شئ صالح في بيئة فاسدة.. فمثلا في السبعينيات من القرن الماضي كان الجرائم الاقل معدل هى الجرائم الجنسية.. بالرغم من أن الملابس الحريمي كانت لا تتعدى الميكروجيب.. والاستريتش لكن كنا في مجتمع مثقف واعي مدرك يعي ما يفعله.. لكن الان مجتمع يعاني من الفساد بعد أن غرق فيه..
    يجب أن يكون هناك وقفه احتجاجية من مثقفي مصر كلهم ومن الشباب الواعي ايضا ضد ما يطالب به الشباب الساذج امثال اصحاب مدونة اسيوط الذين يقولون بعيدا عن العلمانية وهما اصلا ميعرفوش الفرق بين الالف وكوز الدرة..
    waelelgazawey@hotmail.com
    http://masreyhammney.blogspot.com

  6. ma3takedsh en el 7al lel 7asal da howa en e7na nenazam wa2fa aw ay haga bel shakl da
    el 7asal da she2 yefo2 el 7’ayal….e7na tool 3omrena zay manty 2oltely men we7na atfal benet3arad lel ta7aroshat el genseya bshakl fag laken el marady el mawdo3 kan mo7’ef 100 mara 3an ay mara tanya la2eno kan fel 3alan mesh el 7’efa zay kol mara…kan zay maykon 2etefa2 fel shaware3…ya3ny ana mesh mota5ayela kam el 2ahr wel fa2r wel gahl ely el welad dol kano mad3’oteen ta7to ba2alhom senen le daraga twasalhom le she2 la ensany keda…ana mesh bata3ataf ma3ahom aked bas ana 2a2sod en el marady dy mesh mogarad adyet mar2a aw 2esbatna le 72o2na dy haga akbar men keda bekteer mayenfa3sh ne3amelha 3ala enaha 2adeya adema kaman wala 3al enaha adeya wad7a … ely zay el welad dol lazem to approach them bshakl yewsalohom ..el wa2afat wel 2e7tegagat mesh hate3nelhom haga 5ales la2en da mesh 2eslobhom fel 7aya…to do something about it we have to think of a much deeper solution that targets the whole society not just such boys ..because as i c its a problem of a whole society not just some horny boys…

  7. الحقيقة باشوف إن الوقفات الاحتجاجية والمؤتمرات والندوات والحركات المناهضة إلخ بخصوص الموضوع ده، مش هتعمل أكتر من تحريك الموضوع وتصعيده داخل دايرة من الناس بالفعل موقفها واضح وعندها رفض للموضوع، لكن مش هتوصل أو تأثر بشكل حقيقي في الدايرة اللي هي أساس المشكلة، المهمشة المطحونة المغتربة واللي ناقمة على مجتمع لقت نفسها في ديله

    جميل إنه نفكر في حلول أعمق من الحلول المؤقتة اللي هي وسائل الدفاع عن النفس وغيره، لكن بلاش نعمل شوية مسكنات ونقنع نفسنا برضه إنها حلول عميقة وطويلة المدى، لإن المشكلة ليها جذور وليها تاريخ، ومش هتختفي في يوم وليلة، ولا هيحلها مجموعة أشخاص غضبانين وبس، ده موضوع محتاج دراسة من متخصصين في علم النفس والاجتماع وغيرهم، اللي بدورهم مطالبين باقتراح حلول بعيدة المدى البلد كلها تنفذها حكومة ومجتمع مدني وأفراد

  8. الحل ببساطة يا عالم… الحل إننا نفكر الناس ونرجعهم للأصل .. إن التحرش بأنثى دي جريمة يعاقب عليها القانون بدون مناقشة .. زي ما طول عمرنا بنسمع .. وإن التهمة لو ثبتت هي جنحة عقوبتها الحبس 6 شهور !!! كل المطلوب هو نشر من خلال المدونات – المدونات دلوقت بقت قوية جدا ومؤثرة زي ما شفتهم – إن التعرض لأنثى أو التحرش بأنثى جريمة تودي في داهية للكبير السجن وللصغير على الأحداث …. بس المسألة سهلة .. الشعب المصري مايمشيش غير بالعصاية زي ما علمونا في المدارس ..

    شفت بعض الأخوات – المؤدبات – جدا عايزين يعملوا حملة شعارات : أخي المتحرش عيب كده – أخي المتحرش التحرش عيب – وكلام كتير من ده من بحر الغفلة – هي الناس دي أصلا لو تعرف معنى الأخوية واحترام البنت شكلا وموضوعاً عقلا وجسداً كانت عملت كده … دول شوية حيوانات من افرازات المناطق العشوائية – والحواري الضيقة إللي كله فيها مكشوف على كله ومافيش حاجة اسمها حرمات – – لا يقروا ولا يكتبوا ولا ينفع معاهم غير لغة العنف والتهديد … طيب جربوا حطوا شوية عساكر كده في وسط البلد وشوفوا لو حد قرب من المنطقة ؟؟ أه يا شعب
    يخاف ما يختشيش

    الحاجة التانية ان كل بنت لازم نشجعها انها تبلغ عن كل اللي بيحصل لها لو تعرف الشخص .. بلاش الصمت والكتمة والعياط بالليل من غير ما حد يشوف .. كله لازم يتكلم .. البنات لازم تشيل سلف ديفنس ولا البتاع بتاع الصعقة الكهربائية – أي حاجة تدافع بيه عن نفسها – ترش في عينه اسبراي وتجري .. هههههههههههههه أي مصيبة والسلام

  9. عندي شوية حلول….. ممكن تطلعوا عليها في مدونتي
    ؟؟؟؟؟؟؟

    http://enbee-world.blogspot.com/

  10. أنا شايف إن الموضوع ذاد عن حده بمصر في كل حاجه ……و الأنكت من كده إنهم بيفكروني بمسرحية كانوا بيقولو فيها “هو فييييييييييين الظابط” و الله حاميها حراميها
    أنا كاتب في الموضوع ده بس بواعز ديني شويه على موقعي يا ريت تشوفيه و تقوليلي رأيك
    kimo-kimoo.blogspot.com

  11. Hi Atralnada,
    Please excuse me for writing in English as my PC does not support the Arabic windows.I’m an Egyptian, live in the US. Just found out about your web and I like it so much. You seem to be brave and open-minded lady. With your permission I wish to contribute to the hot deliberations in the near future.
    God bless.

  12. 🙂 مفيش فايدة برده بتقولى إن احنا شباب هايج والموضوع اللى انا نشرته فى مدونة أسيوط كان مجرد تنبؤ للى ممكن يحصل من الكبت الجنسى اللى موجود عندنا فى البلد واهو حصل ولا هاتقولى ان انا متفق مع الناس دى ولا هما عملوا كدة بتحريض منى عالعموم واضح ان انتى مش بتتقبلى الرأى الآخر وأنا عن نفسى أول واحد حزين جدا للى حصل وبحط نفسى مكان والد أو أخو أو زوج أو خطيب أى واحدة من اللى حصلهم حادثة التحرش ومش معنى ان انا ذكرت ان فى مشكلة ابقى انا السبب فيها بل على العكس انا ذكرتها عشان عايزلها حل وياريت تاخدى بعضك وتقرى البوست اللى فى المدونة عندى بعنوان قذارة روزاليوسف وعن الشباب الهايج مرة أخرى وكمان الحوار اللى نزلته جروب يا مسلم مع واحدة من ضحايا حادثة التحرش وبرده هاتلاقيها عندى فى المدونة وشكرا

  13. والله انا مش فاهم يا اخت قطر انتى انتى ايه ظروفك معانا اولا اخنا تنبانا بحاجه زى كده ممكن تحصل نتيجه للضغوط اللى موجوده فى البلد وبالفعل هيا حصلت
    انتى محسسانى ان احنا اللى وقفنا فى الشارع ومسكنا كرابيج واقعدنا نجلد فى الشباب ونقولهم اعملوا كده يلا ياشباب اللحمه ببلاش النهارده
    اولا والله العظيم الواحد حزين على اللى حصل كده لان اللى حصل ده شئ مش محترم جدا وتخيلى انتى لو فى مكان اى واحده من اللى حصلهم الكلام ده
    طبعا انتى بالنسبالك عادى مش جديد عليكى
    المهم
    انا عايزك تقرى المواضيع بتاعتنا كويس اللى فى مدونتا مش تقولى كلام من واقع خيالك وتخلى عندك شويه عقل ومخ ده ازا كان عندك اساسا
    وتخلى عندك شويه بصيره لكن تجيبيها منين
    وبعدين يا هانم انتى فىيه ناس كتير حزروا البنات انهم يروحوا قدام السينما والشوارع اللى حوليها لكن البنات ماسمعتش الكلام يبقه ماتلوميش الشباب بقه لومى البنات ديه اللى شكلهم عايزين يجربوا حاجه جديده فى حياتهم
    انا لو منك اروح اموت خميس وجمعه واصحى السبت فايق ورايق

  14. الايدز يصتدم بحاجز الصمت

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s