قطر الندى

Another Lonely Day

yes indeed i’m alone again,and here comes emptiness crashing in,it’s either love or hate ,I cant find in between
Cause Ive been with witches
And I have been with a queen

It wouldnt have worked out any way
So now its just another lonely day
Further along we just may
But for now its just another lonely day

و الزرافة ماتت

سألت الحارس ازاي اروح للزرافة

 قالي :فيه شمبانزي لكن الزرافة ماتت

ماتت ازاي؟ كلهم ماتوا

قالي :ان لله و ان اليه راجعون

الزرافة ماتت و عبد المنعم اعتقل

و بعد ما كنت بقول يا رب ميعتقلشي بقيت باقول يا رب ميتعذبشي!

مقدرتش مافتكرش

و أنا ماشية في شوارع القاهرة الفاضية , و حاسة بشمس الربيع الدافية

مقدرتش مفتكرشي . . . الورد اللي أتقطف السنة اللي فاتت من قدام نادي القضاة

كل سنة و هم طايبين

بيني و بينك كلام,إيش واصله لأمك يا عبدووه

 هي:

أيوة و اقعد أحاسب نفسي, مش عارفة أزاي بيقولوا ان اللي معندوش رب يحاسبه هايعيش مرتاح,مفيش أصعب من حساب النفس

أيوة, أنانية,طول عمري فعلاً أنانية,و عايزة العالم يدور حوليا,اتكلم عن جراحي و الكل يسمع,واالي عايز يفضفضلي مش هيلاقيني,أنا مشغولة,عندي جراح ,بس اه لو يعرفوا ..

أيوة طماعة, مبكتفيش بأي حاجة عندي, عايزة ابقى اله,الجمال و الحب و الحرب و البحر و السما و الطب و الحنان,عايزة كل حاجة ,ناس حواليا لما أبقى و حيدة, أبقى نفرية و وحدانية لما يبقى طالع عليا عفريت الأستقلال, و طبعاً مليش دعوة الناس محتاجة ايه…بس هو مين مش طماع,مين مش عايز كل حاجة

أيوة مستغلة, بستغل كل حد و أي حد, بستغله و أنا و حيدة و ضعيفة و أرميه و أنا شبعانة و قوية,

و أطلب من الجميع انهم يفهموا و يعذروا و يقدروا جروحي, قد ايه أنا مجروحة

بس آه لو تعرفوا..

النهردة , أنا عارفة يعني ايه ابقى خايفة على حد يتجرح,حد أضعف,حد أصغر,حد أحلى, لازم أختار اني مبقاش أنا سبب الجرح

لازم أبعد …و عمري ماهنسى

إن في رحلتي الطويلة للبحث عن الحب, هي اللحظات الصغيرة دي اللي عمرها مهتتنسي و أني يوم مهفقد الأمل في الحب المطلق العنيف اللي بيخلي الناس يعدوا لياليهم الطويلة الحزينة, هفتكر الكام لحظة دول,الكام لمسة دول,الكام عين دول,و هكمل..

كفاية عليكي كدة, متبقيش طماعة,متبقيش أنانية و مستغلة,الحب برضه لازم يتوزع بالتساوي على الناس , و برضه لازم يبقى فيه تكافؤ فرص,

 كفاية عليكي كده,يا طماعة

إلي الأجيال القادمة

حقاً إنني أعيش في زمن أسود!

الكلمة التي لا ضرر منها تعد كلمة حمقاء

الجبهة المصقولة تدل علي التبلد

والذي ما زال يضحك

لم يسمع بعد بالنبأ المخيف.

أي زمن هذا؟

إن الحديث فيه عن الأشجار يوشك أن يكون جريمة

لأنه يعني الصمت علي جرائم أشد هولاَ!

ذلك الذي يعبر الطريق في هدوء

ألم يعد في إمكان أصدقائه الذين يقاسون المحنة

أن يصلوا إليه؟

صحيح أنني ما زلت أحصل علي راتبي

لكن صدقوني، ليس هذا إلا بمحض الصدفة،

إذ لا شيء مما أعمله

يسوغ لي أن آكل حتي أشبع.

صدفة أنني ما زلت علي قيد الحياة

(إن ساء حظي فسوف أضيع

! .يقولون لي: كل واشرب

.وافرح بما لديك

.لكن كيف يمكنني أن آكل وأشرب

وأنا أنتزع لقمتي من أفواه الجائعين

والكأس التي أشربها

ممن يعانون الظمأ؟

ومع ذلك فما زلت آكل وأشرب!

نفسي تشتاق أن أكون حكيماً

الكتب القديمة تصف لنا من هو الحكيم:

هو الذي يعيش بعيداًعن صراعات هذا العالم

ويقضي عمره القصير بلا خوف أو قلق.

العنف يتجنبه

والشر يقابله بالخير.

أن ينسي المرء رغباته

بدلاً من أن يعمل علي تحقيقها.

تلك في نظرهم هي الحكمة.

غير أنني لا أقدر علي هذا:

حقاً، إنني أعيش في زمن أسود

. جئت إلي هذه المدن في زمن الفوضي

وكان الجوع في كل مكان

عشت مع الناس في زمن الثورة

وثرت معهم.

وهكذا انقضي عمري

الذي قدّر لي علي هذه الأرض.

طعامي أكلته بين المعارك

نمت وسط القتلة والسفّاحين

مارست الحب في غير اهتمام

تأملت الطبيعة ضيق الصدر

وهكذا انقضي عمري

الذي قدّر لي علي هذه الأرض.

الطرقات علي أيامي كانت تؤدي الي المستنقعات

ولغتي كانت تفضحني لدي السفاح.

كنت قليل الحيلة.

غير أني كنت أقض مضاجع الحكام

(أو هذا علي الأقل ما كنت أرجوه)

وهكذا انقضي عمري

الذي قدر لي علي هذه الأرض.

القدرة كانت محدودة

الهدف بدا بعيداً بعيدا

كان واضحاً علي كل حال

غير أني ما استطعت أن أدركه.

وهكذا انقضي عمري

الذي قدر لي علي هذه الأرض. 

أنتم يا من ستظهرون

بعد الطوفان الذي غرقنا فيه

فكرواعندما تتحدثون عن جوانب ضعفنا

في الزمن الأسود

الذي نجوتم منه.

لقد كنا نخوض حروب الطبقات

ونهيم بين البلاد

ونحن نغير بلداً ببلد

أكثر مما نغير حذاء بحذاء،

يكاد اليأس يقتلنا

حين نري الظلم أمامنا

اولا نري أحداً يثور عليه.

مع ذلك فنحن نعلم:

أن كرهنا للانحطاط

يشوه ملامح الوجه

وأن سخطنا علي الظلم

يبحَّ الصوت

آه: نحن الذين أردنا أن نمهد الأرض للمودة والمحبة

لم نستطع أن نكون ودودين ولا محبوبين

أما أنتم

فعندما يأتي اليوم

الذي يصبح فيه الإنسان عوناً للإنسان

فاذكرونا

وسامحونا.

برتولد بريخت

جوة:

يا دي البضان محدش هيتحرك طيب أنا بقى هجري زي العبيطة للميدان و اللي عايز يقول أني بدبس الناس ممكن يبقى عنده حق,

أكيد محدش ورايا, ايه ده, البت شيماء المجنونة كمان جريت  ورايا, طيب والله لاوزع الكام منشوراللي طبعتهم من عند طنط زكية

مين الأهبل ده اللي جي يخطف الحيالله كام منشور و يجري, كاتك نيلة أهبل , طب واالله ما أنا سايبة

ايه الزق ده, يا ربي طب والله لو سابونا نعمل مظاهرة مفيش حاجة هتفرق,

برة: ياولاد الكلب

جوة: ظفري اتكسر, أحا ده بيوجع قوي, الأدرينالين مش هيخاليني أحس دلوقتي

برة:البت ش بترش ماية على الأمن

جوة: الله يخريبيتك الماية جت على شعري و أنا لسه عملاه عند المزين , أحا بتضربني ليه يابني , هي اللي رشتك بالمايه مش أنا, أنا أترشيت زيي زيك

طاخ, أي,كلاب,حيوانات,سيبونا,ياحكومة وسخة,متزوقش,هي دي الرجولة؟اه يا باد وسخة؟حرام عليكواااااااا

طب محدش هنا بيهتف, ماهو أنا صوتي مسرسع و لو هتفت الناس هتسيب المظاهرة و تضحك عليا, ولا مش هيخدوا بالهم بقى في وسط الزحمة

يا دي الكسوف, مفتكرتش أعمل بيبي قبل المظاهرة ليه

ايه ده,صوتي طلع كويس والله, مش مسرسع و عالي كمان

متزقش , يا حيوانات,سيبوه يا كلاب,اآاااااه ,الأدرينالين,حراااااااااااااااااام عليكوا,يا زبالة ازاي عنك بال تقفش فيا يا شيماااااااء يا سااااااااارة,

صوتوا يا بنات صوتوا,

أمسكوا فيه لحسن يخدوه,أمسكوا فيه

برة: أتفوه عليك ظابط وسخ

جوة: أحا, يعني أنا أتف عليه ريالة يرشينا بسبراي

طب أتفوه عليك ظابط وسخ

إسبرااااااااااي, اقفلواااا

برة: شيماء :هتخدوا الولاد و بعدين تعملوا فينا ايه

جوة: كويس اني معايا شيماء

الأدرينالين

To President Mubarak: sankyoo / للرئيس مبارك : سانكيوو

Ahmad Sherif The Great

New York Anti-Amendment Protest

يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .

تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !

أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع ” نعم نعم يا مبارك ” يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .

يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .

احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!

دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .

يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .

شباب بيحلم ببكرة