مسؤولية

مر اسبوع على مذبحة ماسبيرو

كنت برة مصر وقت الاحداث ومن يوميها لحد دالوقتي مش قادرة اتغلب على الصدمة، مش صدمة ان المجلس العسكري متوحش وممكن يرتكب جريمة بشعة زي دي ضد مدنيين، ومش عشان فهمت قد ايه المجلس العسكري متورط في الخراء ومتأكد ان لو النظام وقع بجد هيروحوا في ستين داهية. كل ده متوقع ومش مفاجىء أوي بالنسبة لي.

اللي مش قادرة استوعبه هو ازاي الناس اللي انا بقالي 25 سنة عايشة في وسطهم وبركب مواصلات معاهم وبروح مدارس وياهم وبستلف منهم ملح ممكن يشاركو في ده، مش قادرة افهم ايه اللي الجنود المصريين اتعرضوله عشان لاي سبب يرضوا يفعصوا بشر زيهم بالمدرعات ويرموا جثثهم في النيل! ايه اللي المواطنين الشرفاء اتعلموه عشان ينزلوا من بيوتهم بسيوف يدافعوا عن جيشهم من مواطنين زيهم عزل؟ وايه اللي البني ادمين رضعوه يخليهم يعلقوا على صور الشهداء بكلام زي احسن ويستاهلوا والى الجحيم. بجد هتجنن مش قادرة اصدق!

محدش يقولي جهل وتخلف، انا ساذجة ومش قادرة اصدق ان سنين القهر خلت اهل البلد حيوانات، فقدوا الانسانية وتحولوا لقتلة. بقعد اسرح وتخيل ان في راجل كان قاعد بيتعشى في بيتهم مع مراته وعيالة واول ماشاف الاخبار في التلفزيون المصري قام واخد السيف نازل يموت بني ادمين!

دالوقتي الثورة جالها اكتئاب والكل محتار يبتدي منين، ازاي وهل نقدر نرجع انسانية الناس اللي راحت؟ ازاي نقدر نتغلب على سنين وسنين من الشحن الطائفي اللي يخلي الناس تتمنى لبعض الموت؟ للأسف مانقدرش في يوم وليلة ودي معركة طويلة هتاخد سنين. بس اللي نقدر نعمله هو اننا نستمر.

العسكر لازم يمشي ولازم يتحاسب

طنطاوي وعنان وبدين مجرمين حرب ولازم يتحولوا لمحاكم دولية

ماسبيرو لازم يتطهر

كل مرة اجي استمتع بأكلة او مزيكا او فستان جديد هفتكر قد ايه الحياة غالية وان مينا اتسرقت منه حياته غدر وانه كان لازم دالوقتي يبقى مع عيلته بيخطط لمستقبل حياته مش عبارة عن صورة ومقالة وجرافيتي على الحيطان!

مينا ضحى بحياته الغالية عشان احنا نكمل الثورة

يالا نبقى قد المسؤولية

About these ads

3 responses to “مسؤولية

  1. لغاية يوم الأحد كنت حاسة إني مصرية

    نفس احساسي مهمينيش إن النظام بالوحشية دي إيه الجديد؟ من 25 يناير والعواجيز اللي ماسكين في السلطة وهم بيغتالوا أحلى شباب مصر. مهمينيش لما هدولهم كام كنيسة مهمينيش لما بقيت أصحى الصبح على واحد كمان بيقول عليَّ كافرة عادي جدا في الجرائد والتليفزيون. مهمينيش لما رجعنا نتكلم على الجزية. كنت بأقول لنفسي نمشي العواجيز من الحكم والمصريين حيعرفوا يعملوا إيه في مصر. بس وجعني قوي قوي لما قريت التعليقات اللي بتقولي عليها كنت بدور على كلمة عزاء أو حب أو حتى شيء من التعاطف مع مصريين برضه بس لأول مرة ادركت إن الغالبية شايفة إننا مالناش مكان في البلد دي.

  2. ازاي مالكوش مكان؟ انتوا مين؟ انتوا مصريين ودي مصر، والبلد دي بتاعتنا كلنا واللي بيحاربكم بيحارب كل المصريين. ومسؤوليتنا اننا نخلص من الجهل والتطرف. أرجوكي متفكريش كدة لان هو ده اللي الجيش عاوزه، يستقوى على الاقلية ويحسسهم انهم ضعفاء وده مش حقيقي. احنا واحد وكلنا هنواجه الظلم

  3. I think we’re too lost and divided. We live under the same sky, breathe the same air and drink the same water but only see each other through the superficial labels plastered on our foreheads. Till weeks ago, I was someone who was against the revolution…more towards peaceful reform. I cursed anyone standing on the streets, blaming them for the business I’m losing and all the employees I had to let go when I know how much they need their jobs to put food on their families tables….until I decided to go beyond my labels and try to understand why an educated person with a future ahead would lose his eye throwing stones on the MOI. Upon my research I came across your blog (among hundreds of others) and was able to realize that we know nothing about each other…..we can’t imagine someone thinking in a different way….that’s the premise and depending on how we were brought up, raised, educated etc..we’ll individually apply these differences in all sorts of ways. My business was involved in developing public sector schools in underdeveloped areas and I saw how normal and acceptable it is for a teacher to slap a student….how parents actually applaude the teacher and penalize him for not doing so!!! So imagine how Maspiro events could be and would be interpreted by others and how that will manifest itself in their actions. Like I said, from the get-go we’re divided and every group, location, class, sect etc live in their own bubbles….add to that all the conspiracies, corrupt media etc and voila…we’re all each other’s enemies ready to kill one another for our differences. Just a thought to share and thank you for your blogs.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s