ولا أي حاجة خالص
June 29, 2008
مش عايزة أعمل ولا أي حاجة خالص
عارفين لما الواحد يقعد ساعات متنح بيدور على حاجة يعملها أو احساس يشغل بيه دماغة أو مثلا فكرة عن ايه اللي هيحصل يومه أو اسبوعه، عارفين لما الواحد يبقى يقعد ساعات سرحان وبيعمل حوارات في مخه مع أي شخص غايب ونفسه يرفع السماعة ويكلمه
ولما ولا حاجة من دول بتحصل (ولا التليفون ولا الفكرة) ومبيقاش فاضلي أي حاجة تاني، أنا غالبا بروح جيه هنا كاتبة كلمتين وأنا سرحانة: بعد مانشر الكلمتين الخايبين دول هعمل ايه؟؟
كنت امبارح باتكلم مع صاحبتي على أنا أزاي اليومين دول عدي احساس قوي بالشباب- أيوة حاسة قوي بشبابي- حاسة بالقدرة والقوة الشديدة… بس الفظيع بقى انها في ولا حاجة- ولا أي حاجة خالص_ ولا حتى اي تنتوفة حاجة مهمة لان مفيش تنتوفة أي حاجة مهمة
بعد مانشر الكلمتين دول هرج أسرح تاني!
يا حول الله …..على الشباب المصرى الجميل والله الدموع تغالب لتندفع اسفا على الشبيبة , اكيد اكيد انتى انسانة رائعة والله يسامح النظام المصرى
يا قطر الندى انتى بتفكيرك ده أكيد انتى شخصية تحفة لأنك رافضة تكونى سلبية و عايزة يبقالك كيان و فكر و رأى فى حياتك و فى المجتمع .. عشان خاطرى ابعدى الأفكار الغريبة دى عن دماغك و كونى ايجابية أكتر ( فكرى هتلاقى حاجات كتير تعمليها و قربى من ربنا أكتر
انا بهنيكي بس زي ما قال زملانا الممفروض تكوني ايجابيه اكتر فكري ان انتي ممكن في ارادك وقدردك ممكن تقدري تعملي حاجات كتير واول حاجه حبي الناس رغم انها ما تتحبش بس هتحسي ان انتي فيكي خير وقربي من ربنا اكتر وحاولي تغيري من نفسك وانشاء الله خير تخيلي ان انا مش عايزه اعمل حاجه عكسك بس يلا البشر بئي فيهم كل حاجه ممكن تتخيليها الناس خلاص ربنا معاكي ومعانا ومع الامه الاسلاميه كلها
انت الذى تلون حياتك بنظرك اليها …….فحياتك من صنع افكارك ……….فلا تضع نظارة سوداء على عينيك