لون عنيك
November 16, 2006
أغنية قديمة لحميد الشاعري فكرتني! أو بالمعنى الأصح أنا بتلكك عشان أفتكر
لون عنيك “
دايماً بلقى سنيني و ذكراياتي في لون عنيك
لا لوم عليك
اللوم على قلبي مش عليك
لون عنيك , جرح سنيني في لون عنيك
“
ياااااااااااه في رابعة ابتدائي كان تامر الفلسطيني اللي معايا في الفصل أبو عيون خضرا هو اللي جرح سنيني التمانية في لون عنيه
هدون التدوينة دي عشان افتكر النهردة بعد سنين طوال
11/16
جميله جدا ذكريات الماضي وخصوصا ذكريات الطفوله
بس احساس بشع ان ا لواحد يحاول يفتكر حاجة من زمان وميلاقيشحاجة تفكره ولا حاجة تؤكد ان ده حصل فعلا ولا لا
انا بعانى من المشكله دى
ذكريات
I love that song.
I think you’re so romantic.
EMV,
مفهمتش قوي ايه اللي بتعاني منه؟ قصدك ايه بانك مبتاقيش حاجة تفكرك؟ أنا كل حاجة حوليا بتفكرني
Who cares,
هي أغنية رقيقة فعلاً
شكراً على مرورك و مجاملتك
تحياتي
حلوة الذكريات
هحكيلك قصة كده مرة واحد من خمس سنين شاف واحدة زميلته في الكلية وكان كل الي بنهم صباح الخير بس. لكن هو حس بتغير شديد جواه بس سكت لانه مكنش يقدر يعمل غير كده المهم كان مكتفي انه بيشوفها وفضل على الحال ده سنة وكانت اخر سنة في الكلية وقال هينسى وبدأ يشتغل وبرضه صورتها قدامه وبدأ يحس بمشكلة انه متسربع وعايز يعلا ويعمل مكانة اجتماعية ومادية والكلام ده في مصر صعب بجانب انه بقى على طول مضايق وحاسس بشىء ناقص وصورة زميلته مبتفرقش خياله لدرجة ان اي بنت يشوفها كن يشوف ملامحها فيها وكان الشوق تقريبا بيجننه واه لو تعرفوا الشوق ولو مرة سمع اسمها كان قلبه بيدوب وعلى فكرة كل ده على مدى اربع سنين هو ميعرفش عنها اي حاجة بس جواه يقين انها حاسة بيه ازاي معرفش ولما اتجرأ ودور على اي حد يعرف رقم تليفونها وكلمها معرفش يقول ايه وده لسببين اولهم انه مش عارف يسمي كل ده ايه وثاني سبب انه غير مستعد لاي خطوة تستدعي الخطوبة او الجواز وبالرغم من كده كلمها كتير في الشغل او اي حاجة ولما طلب يقابلها وافقت وكانت الليلة الي قبل المقابلة بدون مبالغلة اسعد ليلة في حياته مهما وصفها الشعراء مش هيعرفوا يوصفوها وكان ناوي يقول ويتكلم ويرتاح تماما بس فوجىء بانها معاها صحبتها وجوز صحبتها وفجأ هرب الكلام وسكت خالص ومشي ومكنش عارف هو فرحان انه شفها والا حزين انه مقربش منها. واتجرأ تاني وبعت رسالة يعبر عن جزأ من مشاعره ولكن فوجىء برد منها يدل انها عمرها محست بيه خالص وهو سكت خالص ورجع برضه يحبها زي مكان بيحبها من غير ميشوفها او يعرفها بحبه . طب بالذمة ده كلام
atralnada:
enty borg el 3azra2 wla el 7out????????????????
plz reply
طب اسمع منى القصة دى
مرة واحد قابل واحدة فى كورس
الموضوع كله جيه صدفة انهم يتقابلو
المهم هى كانت اكبر منه بس هى وهو ما كنوش حسين بالفرق دا
عادى كانت بتتكلم معاه عادى وتقف تستناه وتحجزله مكان جنبها فى الكورس
وكانت بعد الكورس بتستناه عشان تفتح معاه اى حوار
وهو كان بيقف معاه كان محضر كلام يقوله
بس لما يقف قدامها مش بيعرف يقول حاجة
وكل مرة يقول انا المرة اللى جاية هقول لها
وتيجى المرة اللى جاية ومش بيقول حاجة
وكان يشوفها فى الشارع ومش بيكلمها
مع انها بنظرات عنيها بتقوله تعالى كلمنى انا مستنياك تيجى
الكلام دا فضل يجى 6 سنين
كان بيشوفها فى الكورس طول ما الكورس شغال
وكان بيشوفها فى الشارغ غالبا
لغاية ما اتفجأه من مدة صغيرة انها اتجوزت
ومع كل دا ما فيش غيرها قدامه
هى وبس
اى بنت يشوفها بيشوف البنت دى فيها
وما فيش حد بيعجبه
دا بقى اسمه اااااااااااااايه