طرق عبقرية لمكافحة الرجالة المفترية
October 3, 2006
الى كل من تعاني من المعاكسات السخيفة و التطاول الدائم من الرجال
كنت جالسة أفكر في الطرق التي توصلتها بعد تقريبا 15 سنة من التعرض للمعاكسة و التحرش و القرف فوجدتي قد وصلت لحلول لمعظم المواقف و أردت أن أشاركها معكم
عندما تتحدثين الى رجل وتلاحظي أنه مش مركز معاكي و مبحلق في صدرك , اعملي أنك بتهشي دبانة من قدام و شك و اعملي كدة بحركة مفاجأة منها تشتت أنتباهه و المرة الجاية لو فضل يبص تنزل على وشه
أساوب اطوب و الزلط: الطوب و الزلط سلاح لطيف جدا يقي من المواقف التالية:عندما يلاحقك شخص ما و تكوني في شارع هادئ و خالي أو عندما تلاحقك سيارة في نفس الظروف
لماذا الطوب؟ أولا من يريد أن يلحقاه تقفيشة أو قرصة أو لمسة لا يريد أن يخرج من الأمر مفتةح الرأس أو أعور و كذلك اللي نازل يشقط بالعربية و يترازل ميحبش يروح لبابي بالعربية زجاجها مدشدش
ثانيا الطوب يتيح فرصة الضرب من بعد,تستطيعي أن تلقي الطوبة على أحد وهو بعيد بدون المخاطرة من أن يلمسك أو يصل إليك
عن تجربة شخصية لا يحتاج الأمر في أغلب الأوقات إلا أن تمسكي طوبة من الأرض و يكون رد فعل الراجل هو الفلاذ,ميمنعشي أنك تشيلي معاكي طوبة فى الشنطة أحتياطي
لمكافحة الأطفال المتسلطين أو الذين يريدون أستكشاف ما يتعلموه في الأحياء عليكي, ممكن أن تتعاملي أنك بتوفرلهم فرصة تعليم جنسي لا توفره الدولة, و لو مش حابة تبقي فار تجارب ممكن باستخدام لغة الجسد و بعض الأصوات أن تخلصي من الموقف
فعن تجربة أيضا قمت مرة بإصدار الصوت الازم للتخلص من الكلب”جرررررر” و العيال إتسرعوا و نفدوا بجلدهم
و في بعض الأحيان كانت النظرة الحاسمة تكفي
لو واحد\واحدة عنده طرق أخرى أحب أن يشاركها معانا
October 26, 2006 at 4:57 pm
[...] وصلت لبعض حلول تقلل السخافات و المعاكسات بس لسة عمري ماهحس بالأمان بالرغم أني بقيت ماشية بسيلف ديفينس و نفسي نشارك بعضنا في الفضفضة و التفكير في حلول عملية لأني مش قادرة أقتنع أن الحل الوحيد هو أني أمشي أخصي في الرجالة [...]
October 30, 2006 at 9:44 am
كنت سمعت عن طريقة في امريكا مش عارفه تنفع في مصر ولا لا بس ما يضرش اهي تنفع مع الكلاب المسعورة اللي بيقولوا انا لابنات هما السبب. الطريقه هي ان معظم الموبيلات فيها كاميرات فلو عرفت البنت تصور اللي بيعاكسها وننشر الصور على كل المدونات وكل بنت تعمل اللي تقدر عليه حتى ولو مش هي اللي بتتعاكس هنفضح الكلاب دول في كل الدنيا
November 1, 2006 at 12:48 pm
اولا السلام عليكم جميعا ورحمته وبركاته أحب اضيف ان عصرنا ده مابقاش عصر اللى احنا عايزنه فيه حاجات كتير جاد بتتحكم فيه واولاهاالتربيه اللى لوكانت اساسها قوى اكيد مش هيكون فيه كلاب مسعورة واحدى الطرق اللى اتمنى انها تنول اعجابكم ” المرأة تظل فى البيت بلا عمل وتعمل اضراب لان الشوارع مهما نظفت مش هتنظف من الكلاب المسعورة واكيد لما الحكومة تحس بالاضراب اكيد لازم تعمل حاجه بس ياريت يكوون الاضطراب لكل امرأه على أرض مصر وهنشوف الحكومة هتعمل ايه ؟ على فكره فيه طرق كتيره جدا لو الحكومة ما قدرتش تعمل حاجه وأرجو ان جمعيه حماية حقوق المرأه تنشر الخبر ده وتقوم بالسرعة فى اتخاذ القرارات
November 3, 2006 at 12:22 pm
wa7da sa7bety mara 2aletly 3ala tare2a mat5oresh el maya heye mot7eka bas hayla:
7′aly dayman 3ala weshek nazra balha2 aw 2e3mely ay shakl yeda7ak ..that turns off any guy, it just makes them laugh as well.
November 9, 2006 at 8:53 am
I generally take the strict walk of a field soldier. This totally gives the impression of seriousness. Ayna3am I hear other comments, but for sure there is no physical harrassment.
November 11, 2006 at 2:47 pm
كلاب قال اومال يا ست الكلب روى انتى
اولا لو الحريم احترمت نفسها فى الشوارع ولبست محترم مش هتلاقى حد يبصلها لكن منين الحريم تحترم نفسها
ماينفعش
اصلى احنا شعب يحب يقلد الغرب فى كل حاجه حته لو كانت غلط
November 20, 2006 at 7:20 pm
انا بعرف طريقة احسن من كل هذه الطرق السخيفة
قريتها في كتلوج الانسان من الصانع نفسه
انت التزمي اللباس المحتشم و متفضليش ببمايلي في مشيتك و اهم من كل دق البس الحجاب
لان انا سمعت مرة عن طالبة يهودية في امريكا حاولت تبعد نظر الشباب عنها بكل الطرق منفعش لدرجة انها حلقت شعرها على الصفر و برضك ما نفعش
و في النهاية لبست الحجاب فكان العجب
امتنع الشباب عن النظر اليها
و الشرط الوحيد علشان الوصفة ده تنجح ان يكون الحجاب حجاب مش الحجاب سراب كده و كده
December 15, 2006 at 7:14 pm
المواضيع هنا حلوه اوى وشيق
February 15, 2007 at 1:02 pm
انا بقى عندى طريقة جديدة وحلوة باعملها مع اى حد يزهقنى كنت رايحة الكلية مرة ووالحد فضل يلزق فيا وانا راكبة المواصلات الاول قولتلها بلاش قلة ادب لما لزق تانى عملت نفسي باعدل الطرح واخدت دبوس وغرزته فى رجله ماقدرش حتى يقول اى لانه هايقول ايه للناس بس كان واقف عينه مدمعة ومنهار خالص
February 15, 2007 at 1:31 pm
You Go GURLZ
hahaha
March 18, 2007 at 1:33 am
صحيح انا اول واخر مرة هادخل على الصفحة دى بس فعلا كلام كبير جدااا
August 4, 2007 at 10:48 pm
مرة كنت مع وحدة صحبتي وكان لازقين فينا شلة بجد غلاسة من اول اليوم لأخره … بس عملنا حركة هي جريئة شوية بس والله نفعت
لقينا راجلين ماشيين بتاع 35 سنة كدة وشكلهم طالعين من الشغل وجاديين خالص
رحنا مشينا جنبهم اوي لزقنا فيهم كأنهم تبعنا لحد ما الشلة اياها خافت ومشيت
طبعاً طول الفترة الراجلين كانو بيبصولنا باستغراب ومش فاهمين ليه لازقين فيهم كدة!!!
November 22, 2007 at 2:54 pm
مرحبا للجميع
اسمحولي اشارك معاكم في نقاشكم في الموضوع ده
كفايه اوي انك تتكلمي بصوت يوحي بالقوه و الرفض القوي ومش مهم يكون بصوت عالي لو مكسوفه تتكلمي
لكن بلاش تخلي المتحرش بيكي يحس انك انتي اللي خايفه
لانه كده هيزيد في اللي بيعمله
صدقيني اول ما هيحس بقوتك هيخاف و هيبعد عنك لو كنتي في مواصله مثلا او في شارع عادي
علي فكره انا شاب ومصدق كل اللي اتقال لاسباب خاصه
انا مش مع الرأي اللي بيقول ان البنت هي السبب لان كتير اوي محجبين ومحترمين اوي لكن برضه بيتعرضوا لنفس المواقف
يعني التحرشات مش حكر علي الغير محجبات
حتي المنقبات مش بيسلموا منه
يا ريت لو حد عنده رأي مخالف يرد لكن من غير تجريح او سب لان كلنا عندنا المقدره علي التجريح و الشتيمه لانها اسهل الطرق
شكرا
واحد وخلاص